Қабылдау бөлмесі+7 (7182) 61-81-65
Қабылдау бөлмесі+7 (7182) 61-81-65

Сайттың аналитикасы

  • Бүгін
    141
  • Кеше
    284

Жаңалықтар мұрағаты

ЖаңалықтарЖаңалықтар мұрағаты

«ТҰРАҚТЫ ДАМУ МҮДДЕЛЕРІНДЕҮЗДІКСІЗ БІЛІМ БЕРУ: ЖАҢА СЫН-ТЕГЕУРІНДЕР» ХАЛЫҚАРАЛЫҚ ҒЫЛЫМИ-ПРАКТИКАЛЫҚ КОНФЕРЕНЦИЯ

441

     31 мамыр-1 маусым күндері Астана қаласында Ы.Алтынсарин атындағы ұлттық білім беру академиясының ұйымдастырылуымен «Тұрақты даму мүдделерінде білім беру: жаңа сын-тегеуріндер» атты халықаралық ғылыми-практикалық конференция өтті.

    Конференцияның қосымша ұйымдастырушылары ретінде Назарбаев Университеті, ЮНЕСКО-ның үздіксіз білім беру институты (UNESCOUIL, Германия), Қазан (Приволжский) Федералдық университеті (Ресей, Қазан), «Өрлеу» ұлттық біліктілікті арттыру орталығы, Гонконг білім беру университеті жанындағы ЮНЕСКО-ЮНЕВОК орталығы, Ұлттық білім беру институты (Беларусь, Минск), К.М.Аммосов атындағы Солтүстік-шығыс федералды университеті (Ресей, Якутск), «Болашақ» Халықаралық бағдарламалар орталығы, Тәжікстан білім академиясы, Сібір федералдық университеті болды.

      Конференцияның бірінші күні пленарлық отырыста конференция төрағасы– Жилбаев Жанбол Октябрұлы, Ы. Алтынсарин атындағы Ұлттық білім академиясының президенті баяндама ұсынды. Келесі сөз кезегі ҚР білім және ғылым министрлігінің жауапты хатшысы Орсариев Арын Амангелдіұлына берілді.

     Конференция барысында білім берудің мәселелері талқыланып, шетел тәжірибесі ортаға ұсынылды. Баяндамашылар өз елінің білім берудегі жаңа тегеуріндерін ортаға салды: Буше Осочковска Марлена– БҰҰ/ЕО халықаралық сарапшысы және кеңесшісі, ЮНЕСКО Штаб-пәтеріндегі Үздіксіз білім беру бойынша дүниежүзілік комитет өкілдігінің басшысы (Франция, Париж), Вербицкая Наталья Олеговна – Урал мемлекеттік орман техникалық университеті инженерлік білім беру инновациялық технологиялар орталығының басшысы, педагогика ғылымдарының докторы, профессор (Ресей, Екатеринбург қ.), Гаина Александру - ЮНЕСКО өмір бойы білім беру институты Ересектерге білім беру және оқыту бөлімінің қызметкері (Гамбург, Германия), Гинчук Валентина Васильевна – БеларусьРеспубликасы Білім министрлігі Ұлттық білім беру институты директорының м.а. (Беларусь, Минск), Жетписбаева Бакытгуль Асылбековна – профессор,педагогика ғылымдарының докторы,Бөкетов атындағы ҚарМУ шет тілдері факультетінің деканы (Қазақстан, Қарағанды қ.), Dr Catherine KK Chan – Гонконг Университетінің білім факультетінің профессоры (Гонконг) және т.б.

     Халықаралық конференцияның екінші күні 4 негізгі бағыт бойынша дөңгелек үстел отырыстары түрінде өтті. Б.Ахметов атындағы Павлодар педагогикалық колледжінен басшының оқу-өндірістік ісі жөніндегі орынбасары Абильтаева А.В. және география пәнінің оқытушысы, жаратылыстану ғылымдарының магистрі Сержан М.Е. конференция жұмысына қатысып, өз басндамаларын ұсынды. Конференцияның негізгі бағыттары:

    Бірінші дөңгелек үстел – «Үздіксіз білім беру және жаһандық әлемнің сын-тегеуріндері» тақырыбы аясында заманның жаһандық сын-тегеуріндері және білім миссиясы, білім экономикасының жаңа талаптарын ескере отырып, білім беру жүйесін трансформациялау мәселесі, оқытудағы және оқудағы инновациялар талқыланды.

     Екінші секция – «Тұрақты даму факторы ретінде қауіпсіз білім беру ортасы» тақырыбында болды. Мұнда білім берудегі қауіпсіздік компонентін біріктіру, қауіпсіз және достықта оқыту ортасының индикаторлары, экологиялық қауіпсіздік, балаларға зорлық көрсету және оларды қатал жәбірлеудің алдын алу сынды мәселелер қарастырылды.

     Үшінші дөңгелек үстелде халықаралық еңбек нарығы және мәдениаралық коммуникацияларға арналған көптілді білім берудің жаңа қырлары, көптілді білім беру мен көпмәдени тәрбиелеудің арақатынасы, 21-ғасырдағы тілдік және коммуникативтік құзыреттердің педагогикалық өлшемдері, көптілді білім берудің ерекшеліктері және әртүрлі елдердегі көптілді білім берудің табысты практикалары туралы сөз қозғалды.

    № 4 секция – «Адам. Қоғам. Ақпараттық қоғам». Проблемалық аясы:Ақпараттық қоғам дамуының үрдістері. Ақпараттық қоғамдағы адам. Жаһандық ақпараттық инфрақұрылым жағдайындағы зияткерлік мүдделер мен білім. 21-ғасырдағы ақпараттық-білім беру ресурстары: үздіксіз білім беруге арналған жаңа мүмкіндіктер мен перспективалар.

     Конференция қорытындысы бойынша электронды жинақ жасалып, барлық қатысушылар сертификаттармен марапатталды.

Соңғы жаңалықтар

  • Халықаралық қатысумен атты облысты
    04 Наурыз 2019 ж. 38

    Павлодар көлік және коммуникация колледжінде "OFFICE PROFI" ақпараттық технологиялар саласындағы халықаралық қатысумен облыстық байқауы өтті. Конкурсқа Павлодар облысының колледждерінен 28 студент және Омбы қ. (Ресей Федерациясы) "Сібір кәсіптік колледжінің" студенттері қатысты. Біздің колледжден Б.М.Тулкинаның жетекшілігімен Жұмагельді Данэля (БББ-11 тобы), Елубаева...

  • Алғыс айту күні
    04 Наурыз 2019 ж. 47

    Бүгін №15 ЖОББМ Б.Ахметов атындағы Павлодар педагогикалық колледжіннің еріктілер тобы 1 наурыз Алғыс айту күніне орай мектеп оқушыларымен ойын сауық өткізді.

  • "Құстарға көмек беріңдер" атты акция
    04 Наурыз 2019 ж. 45

    Б.Ахметов атындағы Павлодар педагогикалық колледжінің ИЯ–22 және ҚТӘ–21 тобының студенттері Павлодар қаласының жағажайында "Құстарға көмек беріңдер" атты акция өткізді. Студенттер құстарды тамақтандырып, би биледі. Топтар арасында біздің қаламыздағы құстарға көмек керек екені жайлы және акцияның жиі болуы туралы шешім қабылданды....

  • For creative approach to solving problems
    28 Ақпан 2019 ж. 33

    ШТ-22 тобының студенті Динара Қуандык Б. Ахметов атындағы Павлодар педагогикалық колледжде өткен халықаралық ғылыми-практикалық конференцияда "For creative approach to solving problems" номинациясына ие болды. Студенттердің "Мethod Say" тақырыбы бойынша жұмысы модераторлармен мақұлданды.Жетекшісі: Даниярова Г. Д.Динара Куандык

  • Ағылшын тілін оқытуда интернет ресурстарын қолдану
    27 Ақпан 2019 ж. 41

    Б. Ахметов атындағы Павлодар педагоикалық колледжінде студенттер мен оқушылар арасында өткен шетел тілінен халықаралық ғылыми-практикалық конференцияда ШТ-32 тобының студенті Мавленова Дана 2-дәрежелі дипломмен марапатталды. "Шетел тілін оқыту әдістемесі" секциясы. Ғылыми жұмыстың тақырыбы: "Ағылшын тілін оқытуда интернет ресурстарын қолдану". Жетекшісі: Ерохина...

  • Қазақстандағы және Канадағы білім бер
    27 Ақпан 2019 ж. 58

    Шет тілдер бөлімінің бірінші курс студенттері Сансызбай Бейбіт және Маданиев Данат мектеп оқушылары мен студенттеріне арналған xалықаралық ғылыми-практикалық конференцияға белсенді қатысқандары үшін Үшінші дәрелі Дипломмен марапатталды. Конференция Б.Аxметов атындағы Павлодар педагогикалық колледжінде "Қазақстандағы және Канадағы білім беру” тақырыбында өткізілді. Жетекшісі...